Sakshi Sunil Jadhav
प्रत्येकालाच फिट राहायला आवडतं. त्यासाठी कामाच्या धावपळीतून थोडा वेळ चालणं आणि ते स्मार्ट वॉचच्या मदतीने लोक पसंत करतात.
दररोज चालण्याची सवय लावल्याने तुम्हाला तंदुरुस्त राहण्यास मदत होऊ शकते. तसेच चालण्याने तुमच्या डोक्यापासून ते पायापर्यंतच्या सगळ्यात महत्वाच्या अवयवांना फायदा होतो.
अनेकांना जीमला जायला वेळ मिळत नाही. त्यामुळे लोक चालण्याचा मार्ग निवडतात. पण किती किलोमीटर चाललं पाहिजे? असा अनेकांचा प्रश्न असतो.
आरोग्य तज्ञांच्या मते, दररोज अंदाजे ७,००० ते १०,००० पावले चालणं फायद्याचे ठरु शकते. सात ते दहा हजार पावलं म्हणजे अंदाजे पाच ते आठ किलोमीटर असं असतं.
जर तुम्हाला हेल्दी उत्तम आरोग्य, चांगला फिटनेस हवा असेल तर तुम्ही दररोज एक तास चालण्याची सवय केली पाहिजे. फक्त एका महिन्यातच तुम्हाला त्याचा सकारात्मक परिणाम दिसून येईल.
जर तुम्हाला तुमचा वजन कमी करण्याचा प्रवास वाढवायचा असेल, तर आजपासून दररोज चालायला सुरुवात करा. त्याने तुम्हाला नक्कीच आठवड्याभरात चांगला परिणाम जाणवेल.
चालण्याची सवय हृदयाच्या आरोग्यावर सुद्धा सकारात्मक परिणाम करू शकते. जर तुम्हाला तुमची हाडं आणि स्नायू मजबूत ठेवायचे असतील, तर तुम्ही चालण्याचे रुटीन सुद्धा पाळू शकता.
दररोज चालण्याची सवय फक्त तुमच्या शारीरिक आरोग्यासाठीच नाही तर तुमच्या मानसिक आरोग्यासाठीही अत्यंत फायदेशीर ठरू शकते.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही.